წარმატებული რეკლამირება სოციალურ მედიაში ყოველ წელს უფრო რთულდება. სწორ აუდიტორიამდე თქვენი პროდუქტის ან სერვისის მიტანა და სწორი უკუკავშირის მიღება კი იმ გამოცდილებასთან, აუდიტორიის გაგებასთან და სწორი კონტენტის შექმნასთან არის დაკავშირებული. ამ ბლოგში განვიხილავთ წარმატებულ სტრატეგიას სწორი რეკლამირებისთვის.

გაიგეთ ვინ არის თქვენი აუდიტორია

სანამ რეკლამირებას შეუდგებით, კარგად გაიაზრეთ ვინ არის თქვენი პროდუქტისა და სერვისის მიზნობრივი აუდიტორია. ეს დაგეხმარებათ როგორც რეკლამის სწორად გაშვებაში, ისე სწორი კონტენტის შექმნაში.

დაისახეთ სწორი მიზნები

აუცილებლად განსაზღვრეთ რა მიზანს ემსახურება თქვენი სარეკლამო კამპანია. ეს არის ბრენდის ცნობადობის გაზრდა, საიტის ტრეფიკი, კონვერცია თუ ჩართულობა. შესაბამისად მოახდინეთ კონტენტის ფორმირება და აუდიტორიის განსაზღვრა.

შექმენით პროდუქტის შესაბამისი კონტენტი

იქნება ეს ვიდეო, თუ ფოტო კონტენტი, ის უნდა იყოს აუდიტორიის მოთხოვნების შესაბამისი. აუცილებლად მიაქციეთ ყურადღება ხარისხის და უზრუნველყავით თქვენი მომხმარებელი ცოცხალი მასალით.

სწორი თარგეთინგი

დაფიქრდით რა ლოკაციაზეა თქვენი მომხმარებელი ლოკალიზებული. განსაზღვრეთ სქესი და ასაკი, ინტერესები და დემოგრაფია. პროდუქტიდან გამომდინარე თქვენი აუდიტორია შესაძლოა იყოს საკმაოდ ფართო და არ საჭიროებდეს დეტალურ თარგეთირებას. ხშირ შემთხვევაში კი თქვენი სპეციფიკიდან გამომდინარე ეს აუცილებელია.

ანალიტიკა და რეპორტინგი

აუცილებლად მოახდინეთ თქვენს მიერ გაშვებული რეკლამების ანალიზი. ნახეთ რა ტიპის აუდიტორიიდან წამოვიდა ყველაზე დიდი ინტერესი. რომელმა პოსტმა გამოიწვია ყველაზე მეტი ჩართულობა. შეამოწმეთ შემოსული უკუკავშირი, რათა მიხვდეთ, რამდენად სწორ აუდიტორიამდე მივიდა თქვენი რეკლამა.

ჩაატარეთ ტესტირება

გატესტეთ სხვადასხვა აუდიტორია, პოსტი და ქოფი. ნახეთ რომელი სტრატეგია მუშაობს ყველაზე ეფექტურად და მიყევით შესაბამისად.